Hum Pi Gae Sab Hile Na Ab Tak

Shohrat Bukhari

ham pi ga.e sab hile na ab tak

ji haar ga.e nujum-e-shab tak

har chand ghaTa.en chhaT ga.i hain

par dil pe ghubar sa hai ab tak

ḳhush ho na zamana mere gham par

aa.ega ye daur-e-jam sab tak

ashkon ne fasana kar diya hai

vo lafz ki aa saka na lab tak

har gham ko uḌa diya hansi men

tum pesh-e-nazar rahe ho jab tak

mai-ḳhane men sar chhupa.en aao

va ho dar-e-ka.aba jaane kab tak

‘shohrat’ koi aur baat chheḌo

ulTen vo naqab-e-lutf jab tak