apne hone key jhalak deta hai
fan kahin bhi ho chamak deta hai
phuul us ko bhi mahak deta hai
haath jo us ko jhaTak deta hai
ghair tinka bhi uchak deta hai
apna to apne key Dhak deta hai
aap andheron ka gila karte hain
chand taare bhi falak deta hai
pahle ji bhar ke jalata hai mujhe
aur phir bad-e-ḳhunuk deta hai
jo shajar chahta hai phuul aur phal
apni shaḳhon ko lachak deta hai
ab bhi sharmata hai sajan mera
ab bhi ankhon ko jhapak deta hai
zaḳhm to pahle bhi deta tha vo
aj-kal saath namak deta hai
niind vo bhi to hasin hai ‘ulfat’
jab zara baap thapak deta hai
Leave a Reply