Shahid Zaki
bichhaḌ gaya tha koi ḳhvab-e-dil-nashin mujh se
bahut dinon miri ankhen juda rahin mujh se
main saans tak nahin leta para.i ḳhushbu men
jhijhak rahi hai yunhi shaḳh-e-yasmin mujh se
mire gunah ki mujh ko saza nahin deta
mira ḳhuda kahin naraz to nahin mujh se
ye shahkar kisi zid ka shaḳhsana hai
ulajh raha tha bahut naqsh-e-avvalin mujh se
main taḳht par huun magar yuun to ḳhak-zada hi
gurez karte hain kyuun boriya-nashin mujh se
ujaḌ ujaḌ ke base hain mire dar-o-divar
bichhaḌ bichhaḌ ke mile hain mire makin mujh se
bikhar rahi hai tap-e-intiqam se miri ḳhaak
guzar rahi hai koi mauj-e-atishin mujh se
muhal hai ki tamasha tamam ho ‘shahid’
tamash-bin se main ḳhush tamash-bin mujh se
Leave a Reply