ham par jitne vaar hue bharpur hue
ham se puchho kaise chaknachur hue
sanjida logon ka jiina mushkil hai
khel tamashe duniya ka dastur hue
meri nazar men jaise pahle the ab ho
kaun si daulat pa kar tum maghrur hue
ye to gulistanon men roz ke qisse hain
phuul khile khil kar shaḳhon se duur hue
ham ne ‘shakil’ ik chhoTi si nadani se
shohrat paa.i ḳhuub bahut mash.hur hue
Leave a Reply