Aur Ab Kya Kahen Ki Kya Hain Hum

aur ab kya kahen ki kya hain ham

aap hi apne muddaa hain ham

apne ashiq hain apne varafta

aap hi apne dil-ruba hain ham

aap hi khana aap khana-khuda

aap hi apni marhaba hain ham

ishq jo dil men dard ho ke raha

khud usi dard ki dava hain ham

raz-e-dil ki tarah zamane men

the chhupe aaj barmala hain ham

kyuun na ho arsh par dimagh apna

kis ke kuche ki khak-e-pa hain ham

har koi ashna samajhta hai

aur yaan kis ke ashna hain ham

ibtida ki bhi ibtida hain ham

intiha ki bhi intiha hain ham

ham to bande ‘nizam’ un ke hain

vo baja kahte hain ”khuda hain ham”

Leave a Comment