rah-e-junun men kabhi kamyab ham bhi the
kabhi havala-e-dasht-o-sarab ham bhi the
tiri nigah ne gauhar bana diya varna
hisar-e-mauj men misl-e-habab ham bhi the
junun ne ham ko bhi baḳhshi thi shan-e-dar-ba-dari
jahan-e-fikr men ḳhana-ḳharab ham bhi the
hamare zarf ko rutbon se tolne vaalo
isi dayar men izzat-ma.ab ham bhi the
andhere ho ga.e mansub ham se ab varna
is asman men kabhi aftab ham bhi the
Leave a Reply