Sayeda Fatima Rizvi
ye jo apne ḳhuda se Darte hain
ham kisi bad-dua se Darte hain
varna parda uTha den duniya ka
sirf apni haya se Darte hain
aur udasi kahin na ug aa.e
ghar ki ab-o-hava se Darte hain
ḳhair ho un ki kaj-ada.i ki
ham to apni vafa se Darte hain
mudda.i ko bana na den mujrim
munsifon ki ada se Darte hain
shab ke jaage abhi to so.e the
‘fatima’ ham saba se Darte hain
Leave a Reply