Hum Na Nikhat Hain Na Gul Hain Jo Mahakte Jawen

ham na nikhat hain na gul hain jo mahakte javen

aag ki tarah jidhar javen dahakte javen

ai khusha-mast ki tabut ke aage jis ke

ab-pashi ke badal mai ko chhidakte javen

jo koi aave hai nazdik hi baithe hai tire

ham kahan tak tire pahlu se sarakte javen

ghair ko raah ho ghar men tire subhan-allah

aur ham duur se dar ko tire takte javen

vaqt ab vo hai ki ik ek ‘hasan’ ho ke ba-tang

sabr-o-tab o khirad-o-hosh khisakte javen

Leave a Comment