Bushra Saeed
us ne ghurbat ke badan pe
basanti chola piili pagdi
aur sunahri jacket sajai hai
vo tuuti kursi pe
bosida dhol se pair tikae
udhda vaqt
sabr ke dhage se siita hai
saji-sanvari gaadi
paas se guzre to
aas aankh men chamakti hai
us ki bhuuk lapakti hai
apni khushiyon ke angan men
dhol ki thaap par
us ke gham ko nachta dekh rahi huun
main soch rahi huun
us ki dukan ka mahnga sauda
kitne saste daam bika hai
Leave a Reply