ham ko lutf aata hai ab fareb khane men
azma.en logon ko ḳhuub azmane men
do-ghaḌi ke sathi ko ham-safar samajhte hain
kis qadar purane hain ham na.e zamane men
tere paas aane men aadhi umr guzri hai
aadhi umr guzregi tujh se uub jaane men
ehtiyat rakhne ki koi had bhi hoti hai
bhed hamin ne khole hain bhed ko chhupane men
zindagi tamasha hai aur is tamashe men
khel ham bigaḌenge khel ko banane men
Leave a Reply