ham ko junun kya sikhlate ho ham the pareshan tum se ziyada
chaak kiye hain ham ne azizo chaar gareban tum se ziyada
chak-e-jigar mohtaj-e-rafu hai aaj to daman sarf-e-lahu hai
ik mausam tha ham ko raha hai shauq-e-baharan tum se ziyada
ahd-e-vafa yaron se nibhaen naz-e-harifan hans ke uthaen
jab hamen arman tum se siva tha ab hain pasheman tum se ziyada
ham bhi hamesha qatl hue aur tum ne bhi dekha duur se lekin
ye na samajhna ham ko hua hai jaan ka nuqsan tum se ziyada
jaao tum apne baam ki khatir saari laven shamon ki katar lo
zakhm ke mehr-o-mah salamat jashn-e-charaghan tum se ziyada
dekh ke uljhan zulf-e-dota ki kaise ulajh padte hain hava se
ham se sikho ham ko hai yaaro fikr-e-nigaran tum se ziyada
zanjir o divar hi dekhi tum ne to ‘majruh’ magar ham
kucha kucha dekh rahe hain alam-e-zindan tum se ziyada
Leave a Reply