ham ḳhud bhi hue nadim jab harf-e-dua nikla
samjhe the jise patthar vo shaḳhs ḳhuda nikla
is dasht se ho kar bhi ik sail-e-ana nikla
kuchh barg-e-shajar TuuTe kuchh zor-e-hava nikla
uljhan ka sulajh jaana ik ḳham-ḳhayali thi
jab ghaur kiya ham ne ik pech naya nikla
ai fitrat-e-sad ma.ani ‘ghalib’ ki ghazal hai tu
jab husn tira parkha pahle se sava nikla
ham paas bhi jaane se jis shaḳhs ke Darte the
chhu kar jo use dekha miTTi ka bana nikla
phulon men ‘hilal’ aao ab raqs-e-ḳhizan dekhen
kanTon ke nagar men to har baagh hara nikla
Leave a Reply