Poet
ham juun chakor ghash hain aji ek yaar par
bulbul ki tarah ji nahin dete hazar par
gar ji men kuchh nahin hai to dekhe hai kyuun mujhe
ungli ko pher pher ke teghe ki dhaar par
pa-bos-e-yar ki hamen hasrat hai ai nasim
ahista aiyo tu hamare mazar par
rukhsar par numud hua khat khabar bhi hai
yaani kamar kasi hai khizan ne bahar par
‘rangin’ to le ke baithe hain asbab-e-aish sab
aave ba-shart-e-yar bhi apne qarar par
Leave a Reply