Hum Donon Mein Koi Na Apne Qaul-O-Qasam Ka Sachcha Tha

ham donoñ meñ koī na apne qaul-o-qasam kā sachchā thā

aapas meñ bas ek purānā TūTā-phūTā rishta thā

dil kī dīvāroñ pe ham ne aaj bhī sīlan dekhī hai

jaane kab āñkheñ roī thiiñ jaane kab bādal barsā thā

ḳhvāb-nagar tak aate aate TuuT ga.e ham jaise log

ūñchī nīchī raah bahut thī saarā rasta kachchā thā

puurā bādal puurī bārish mausam puure zor pe thā

sab ke saroñ pe chhat rakkhī thī maiñ hī akelā bhīgā thā

apnī zaat ke saare ḳhufiya raste us par khol diye

jaane kis aalam meñ us ne haal hamārā pūchhā thā

us kā milnā dhūl-bhare mausam meñ būñdoñ jaisā thā

sabza ban kar phuuT rahā hai jo bhī andar sūkhā thā

us kī yaad ke saare mīThe phal totoñ ne katar liye

yuuñ to ham ne chāroñ kone shor machā.e rakkhā thā

Leave a Comment