muneer-niyazi

Khwab-Oi-Khayal-E-Gul Se Kidhar Jae Aadmi

khvab-o-khayal-e-gul se kidhar jaae aadmi

ik gulshan-e-hava hai jidhar jaae aadmi

dekhe hue se lagte hain raste makan makin

jis shahr men bhatak ke jidhar jaae aadmi

dekhe hain vo nagar ki abhi tak huun khauf men

vo suraten mili hain ki Dar jaae aadmi

ye bahr-e-hast-o-bud hai be-gauhar-e-murad

gahraiyon men us ki agar jaae aadmi

parde men rang-o-bu ke safar-dar-safar ‘munir’

in manzilon se kaise guzar jaae aadmi

More Poems

Leave a Comment