ham dil-e-zohra-vashan men ḳhaliq-e-andesh hain
go ḳharabati sahi jibril ke ham-pesha hain
pairvi-e-va.izan-e-shahr men buzdil hain ham
aur ghazalon ka ta.aqub ho to sher-e-besha hain
janiye kya kya madarij aur bhi karne hain tai
ham abhi zehn-e-ḳhuda-vandi men ik andesha hain
ḳhisht-o-sang-e-na-tarashida se ubhra ḳhadd-e-husn
mai-gusaron ki nigahen hain ki zarb-e-tesha hain
ham nahin hain kohkan lekin hamari yadgar
vaqt ke koh-e-giran par kuchh nuqush-e-tesha hain
Leave a Reply