Shahryar
siyah raat nahin leti naam Dhalne ka
yahi to vaqt hai suraj tire nikalne ka
yahan se guzre hain guzrenge ham se ahl-e-vafa
ye rasta nahin parchha.iyon ke chalne ka
kahin na sab ko samundar baha ke le jaa.e
ye khel ḳhatm karo kashtiyan badalne ka
bigaḌ gaya jo ye naqsha havas ke hathon se
to phir kisi ke sambhale nahin sambhalne ka
zamin ne kar liya kya tirgi se samjhauta
ḳhayal chhoḌ chuke kya charagh jalne ka
Leave a Reply