shahr men tha na tire husn ka ye shor kabhu
misr is jins se itna na tha mamur kabhu
ishq men daad na chaho ki suna ham ne nahin
adl o insaf ka is mulk men dastur kabhu
fikr marham ka mire vaste mat kar naseh
khuub hota nahin is ishq ka nasur kabhu
go na kar vaada vafa de na mujhe us ka javab
mujh se milna bhi sajan hai tujhe manzur kabhu
apni bedardi ki saugand hai tujh ko ai marg
tu ne dekha hai ‘yaqin’ sa koi ranjur kabhu
Leave a Reply