dayar-e-habs men bujhte hue charaghon ko
zara sahara hava ka mile charaghon ko
bujhe charaghon ki sargoshiyon men ḳhatra hai
hava bhi kaan laga kar sune charaghon ko
dikha na paa.en jo rasta kisi musafir ko
to kya kare koi rah men paḌe charaghon ko
tumhare bas men nahin hai to raushni dunga
charagh ban ke jo utre kahe charaghon ko
palaT ke aa.e andheron ko maat de kar ham
hamari raah men koi rakhe charaghon ko
Leave a Reply