Mazaq Sahna Nahin Hai Hansi Nahin Karni

mazāq sahnā nahīñ hai hañsī nahīñ karnī

udaas rahne meñ koī kamī nahīñ karnī

ye zindagī jo pukāre to shak sā hotā hai

kahīñ abhī to mujhe ḳhud-kushī nahīñ karnī

gunāh-e-ishq rihā hote hī kareñge phir

gavāh banñā nahīñ muḳhbirī nahīñ karnī

baḌe hī ġhusse meñ ye kah ke us ne vasl kiyā

mujhe to tum se koī baat hī nahīñ karnī

Leave a Comment