go ye gham hai ki vo habib nahin
par khushi hai koi raqib nahin
kyuun na hon tifl-e-ashk avara
ki moallim nahin adiib nahin
kal tasavvur men aai jo shab-e-gor
shab-e-furqat se vo muhib nahin
hain savari ke saath fariyadi
koi aur aap ka naqib nahin
muddaton se huun janta huun vatan
dasht-e-ghurbat men main gharib nahin
tujh se ai dil khuda to hai aqrab
gham nahin but agar qarib nahin
jaan kyuun kar bachegi furqat men
hain adu saikdon habib nahin
zindagani maraz hai maut shifa
juz ajal koi ab tabib nahin
jiite ji paun dost ka didar
‘nasikh’ aise mire nasib nahin
Leave a Reply