juun sham.a dam-e-sub.h main yaan se safari huun
Tuk muntazir-e-jumbish-e-bad-e-sahari huun
ne girya-e-shab huun main na ah-e-sahari huun
juun bang-e-jaras ham-nafas-e-be-asari hon
jaata huun main jidhar ko vo munh phere hai mujh se
goya ki main gard-e-qadam-e-rah-guzri huun
dekha na main juz-saya-e-bazu-e-shikasta
hirman-zada juun hasrat-e-be-bal-o-pari huun
main pairahan apne main samata nahin juun gul
jis vaqt se amada pa.e-jama-dari huun
sau ḳhizr se kam-hausla vaan ji se ga.e hain
jis dasht-e-ḳhatarnak ka main rah-guzri huun
juun sard rakha sang-e-jafa se mujhe azad
marhun tira ji se main ai be-samari huun
kya kam huun sikandar se agar dekhiye mujh ko
a.ina-sifat malik-e-ḳhushki-o-tari huun
kis bazm men dekhi hai vo jhamki ki main ‘qa.em’
juun sham.a sada mahv-e-pareshan-nazari huun
Leave a Reply