Ea C A Faf
sab miT ga.e mange hai magar teri nazar aur
ab laa.en kahan se bata dil aur jigar aur
kam ḳhaak ghariban-e-mohabbat ko na jaano
uTThenge isi ḳhaak se kal ḳhak-ba-sar aur
har zarre men bas ek hi zarra nazar aa.e
gar chashm-e-tamasha ko mile husn-e-nazar aur
kab baiTh sake manzil-e-hasti ko pahunch kar
aage jo baḌa is se hai vo ek safar aur
duniya men mohabbat ki kami hai to bala se
abad mohabbat karen aa sham-o-sahar aur
kya tum ko takalluf hai miri charagari men
ik tir-e-nazar tir-e-nazar tir-e-nazar aur
ye kya ki faqat ḳhaar hi qismat men likhe hain
ai ḳhana-e-bar-andaz-e-chaman kuchh to idhar aur
‘sarvar’ ki kaTi kis tarah aḳhir shab-e-hijran
kuchh tu hi bata qissa-e-gham dida-e-tar aur
Leave a Reply