Hamdam Kashmiri
ham DhunDte phirte rahe tasvir hava ki
paani pe thirakti rahi tahrir hava ki
sunet hain samajhte nahin matlab na ma.ani
hoti hai daraḳhton se jo taqrir hava ki
ehsas nahin hai jinhen be-bal-o-pari ka
karte hain hava men vahi ta.amir hava ki
dekha hi nahin us ko kisi aankh ne ab tak
khinchi hai musavvir ne jo tasvir hava ki
main bar-sar-e-paikar huun ḳhud apni ghuTan se
koi to kare dasht men tadbir hava ki
Leave a Reply