ham apne-ap men rahte hain dam men dam jaise
hamare saath hon do-char bhi jo ham jaise
kise dimagh junun ki mizaj-pursi ka
sunega kaun guzarti hai sham-e-gham jaise
bhala hua ki tira naqsh-e-pa nazar aaya
ḳhirad ko rasta samjhe hue the ham jaise
miri misal to aisi hai jaise ḳhvab koi
mira vajud samajh lijiye adam jaise
ab aap ḳhud hi bataen ye zindagi kya hai
karam bhi us ne kiye hain magar sitam jaise
Leave a Reply