poet

Hum Aapko To Ishq Mein Barbaad Karenge

ham aap ko to ishq men barbad karenge

tasir-e-vafa par tujhe kya yaad karenge

yaan sakht dilon men nahin hamdam koi apna

ja koh men farhad ko fariyad karenge

mahrum na rakkhega hamen ishq-e-butan se

go daad na den kushta-e-bedad karenge

ai daur-e-falak mujh ko qasam sar ki hai apne

ham shaad kabhi ye dil-e-nashad karenge

gar silsila-e-ishq men farzand-e-khalaf hain

ham khana-kharabi ka ghar abad karenge

kab pairavi-e-qais karen ishq o junun men

is fan men kuchh apna hi ham ijad karenge

ho halqa-ba-gosh ah-o-fughan ka miri majnun

jab kaan pakad yaad ham ustad karenge

‘hasrat’ yunhi akhir hui ye fasl bhi gul ki

kab kunj-e-qafas se hamen azad karenge

More Poems

Leave a Comment