Shahram Sarmadi
hukmaran jab se huiin basti pe afvahen vahan
din Dhale hi bain karti hain ajab raten vahan
ik ghurub-e-be-nishan ki samt raste par huun main
ḳhauf ye darpesh hongi kaisi duniya.en vahan
bar-ha dekhi hai un kuchon ne shab-masti miri
aaj bhi ik ghar ke bam-o-dar shanasa hain vahan
kya tujhe mismari-e-dil ki ḳhabar koi na thi
kis liye bhejin na tu ne phir ababilen vahan
ek daf.a tu yahan aa kar mujhe hairan kar
kya zaruri hai ki tujh se milne aa.uun main vahan
Leave a Reply