hujum-e-gham hai qalb gham-zada hai
miri mahfil mira ḳhalvat-kada hai
azal se aaj tak koi na samjha
hayat-e-muḳhtasar kya sho.abada hai
bahakne de zara rindon ko saaqi
yahi hangama jan-e-mai-kada hai
kahan dekhoge tum apni tajalli
jo a.ina hai vo hairat-zada hai
nazar kya jam-o-mina par uTha.un
nigah-e-dost puura mai-kada hai
idhar bhi ruḳh kar ai baran-e-rahmat
hamara ashiyan atish-zada hai
mire piine pe pabandi hai jab se
‘saba’ ujḌa hua sa mai-kada hai
Leave a Reply