Poet
hue karvan se juda jo ham rah-e-ashiqi men fana hue
jo gire to naqsh-e-qadam bane jo uThe to bang-e-dara hue
jo hava se zulf bikhar ga.i nazar un ki saaf badal ga.i
jo asir-e-halqa-e-naz the vo qatil-e-tegh-e-ada hue
hua ba.ad-e-vasl ajab maza ki ḳhamosh baiThe juda juda
hama-tan main sabr-o-sukun hua hama-tan vo sharm-o-haya hue
uThe ham jo ḳhvab-o-ḳhayal hai lage takne dida-e-hal se
ki vo kab uThe vo kidhar ga.e abhi paas the abhi kya hue
jo nigah hai chashm-e-siyah men vahi barq-e-tur hai raah men
tiri aankh par jo fida hue vo shahid-e-rah-e-ḳhuda hue
bane ‘qadr’ aise ghubar ham hue gardishon men vo ḳhaar ham
ki misal-e-da.era-e-falak jo uThe to be-sar-o-pa hue
Leave a Reply