Poet
hue ham jab se paida apne divane hue hote
khuda ko ham pahunchte khud se begane hue hote
maza raushan-dilli ka zindagani hai tajarrud se
ham apne misl shabnam aab aur daane hue hote
muue ham intizar-e-nashsha se khoshon ke ja yarab
huvaida taak se pur-bada paimane hue hote
hovenge khaak vusat mashrabi ki rah gai hasrat
ham avval hi se misl-e-dasht virane hue hote
rahe duniya men be-aish aur shuhud-e-haq se uqba men
hue zuhhad kor ai kaash ke kaane hue hote
mai-e-irfan ka zarf aadam hi ko tha gar malak dete
to saat iblis ke sargarm yarane hue hote
abas tum munzavi masjid men ho zuhhad kya hasil
vo sahab etakaf-e-kunj-e-maikhane hue hote
hue maston pe gar tegh-e-zaban-zan shaikh shekhi men
jo apne nafs-parvar hote mardane hue hote
agar sad-chak ho haat us ke lagte aish tha ‘uzlat’
dil-e-ushshaq saare kaash ke shane hue hote
Leave a Reply