Poet
jaur-e-aflak bas-ki jhele hain
aise papad bahut se bele hain
gah huzuri hai gaah hai duuri
gah akele hain gah do-kele hain
asp-e-tazi nazar nahin aate
so khuron se bhare tavele hain
kahte hain yaan jise qimar-e-ishq
khel aise bahut se khele hain
jiite hain vo qimar-e-ishq men yaar
jaan par apni jo ki khele hain
thahre kab jang-e-husn men ye shaikh
ek muddat ke ye bhagele hain
paas apne dui ka naam nahin
jab se paida hue akele hain
na dikhana lahad men ankhen nakir
paas apne bhi qul ke dhele hain
kufr-o-din ka ho faisla kyunkar
ek muddat ke ye manjhele hain
dair-o-kaaba ki bhid-bhad hai kya
aise dekhe bahut se mele hain
giriya-e-pur-asar ki shiddat hai
saaf ab-e-baqa ke rele hain
bheja apna khayal us but ne
jab suna ‘muntahi’ akele hain
Leave a Reply