hua dil ka haal abtar tujhe yaad karte karte
miri jaan nikal na jaa.e kahin aah bharte bharte
miri arzu-e-dil ko na.i zindagi mili hai
ki abhi abhi bache hain mire ḳhvab marte marte
tujhe bhulne ki ḳhatir bhi hai ek umr lazim
kaTi ek umr meri tujhe yaad karte karte
hui maut jab muqabil mujhe tum hi yaad aa.e
rahe tum hi jan-e-arman miri jaan marte marte
jo kisi ne mujh se puchhi miri aḳhiri tamanna
tira naam hi to aaya mire lab pe Darte Darte
ye tha kis ko ilm yaaro ye bhala kise ḳhabar thi
koi ji uThega ik din tire gham men marte marte
isi ḳhauf se ki tujh ko kahin bhuul hi na ja.un
tujhe yaad kar rahi huun use yaad karte karte
Leave a Reply