dil ko phir ummid garmane lagi
phir mujhe duniya nazar aane lagi
dil pe Daali hai kisi ne phir nigah
saans phir aane lagi jaane lagi
naqsh phir jamne laga tadbir ka
aql phir kuchh dil ko samjhane lagi
naza.a men aane lagi phir kis ki yaad
arzu-e-zist taḌpane lagi
ho chala hai phir kisi ka intizar
khinch ke jaan ankhon men phir aane lagi
ranj bhi aḳhir ko rahat ban gaya
shab hujum-e-gham se niind aane lagi
phir vahi betabi-e-dil hai ‘jigar’
phir kisi ki yaad taḌpane lagi
Leave a Reply