Sufi
ik taraf vo fikr-e-farda zehn parchhai hui
ik taraf ye zindagi yadon ki thahrai hui
laakh koshish ki na badh pain dilon ki ranjishen
par kahan rukti hai shishe men darad aai hui
sard raton ki faza men garm rakhti hai mujhe
shaal maan ke kanpte hathon ki pahnai hui
le udi hai teri sanson ki mahak shayad hava
kya sabab varna ki yuun phirti hai itrai hui
vo khushi ke roz-o-shab hon ya ki ‘shakir’ gham ka daur
kaifiyat vo hi bhali hai ho jo raas aai hui
Leave a Reply