hota nahin zauq-e-zindagi kam
buniyad-e-hayat hai tira gham
ehsas-e-jamal ubhar raha hai
jab se tira iltifat hai kam
tere hi ghamon ne mujh ko bakhshi
kaunde ki lapak ghazal ka ram
saman-e-sabat hain safar men
ummid ki pech raah ke kham
shamon ki laven hain ya zabanen
aansu hain ki ehtijaj-e-paiham
anjum se khilaegi shagufe
shabnam se ladi hui shab-e-gham
tufan ka muntazir khada hai
ye ain sahar ko shab ka aalam
Leave a Reply