Dil Ke Waraq-E-Sada Pe Kuchh Rang Ubhaaren

dil ke varaq-e-sāda pe kuchh rañg ubhāreñ

ḳhūñ-gashta tamannāoñ kī tasvīr utāreñ

shāyad koī rauzan koī khiḌkī nikal aa.e

sar apnā chalo vaqt kī dīvār se māreñ

kab tak dil-e-dīvāna ye be-vajah ta.āqub

ab haath kahāñ ā.eñgī ram-karda bahāreñ

barham huī vo mahfil-e-yārān-e-ḳhush-auqāt

tanhā.ī ke lamhāt kahāñ jā ke guzāreñ

āñgan kī udāsī ko fuzūñ kar ga.iiñ ‘maḳhmūr’

dīvār pe baiThī huī chiḌiyoñ kī qatāreñ

Leave a Comment