Saleem Betab
honTon pe mohr bhi nahin naghmat bhi nahin
ai mehrban ye shahr-e-tilismat bhi nahin
shahron men gaam gaam pe lakhon guna sahi
ma.asum itne aaj ke dehat bhi nahin
vo baiThta hai shahar ke hotel men aaj bhi
mere nasib men koi fōtpath bhi nahin
ab zehn men bhi qaus-e-quzah phuTti nahin
hathon men mere aaj tira haath bhi nahin
vo aa.e bhi to kis tarah Doli men baiTh kar
dulha nahin huun main koi barat bhi nahin
sarma ki raat rail ka Dibba udasiyan
lamba safar hai aur tira saath bhi nahin
Leave a Reply