Poet
dil-e-ḳhilqat-e-ḳhuda ko sanama jala na chandan
ki falak ke paar pahunche taf-e-ah-e-dard-mandan
kahen kya ki dekhte hain tujhe ghair saath ḳhandan
rahe honT ho chabate ba-jigar-fashurda-dandan
vahin jhaḌ-gulon ke tuude bandhen gulbanon ke niche
kabhu sub.h-dam chaman men jo vo ghuncha-lab ho ḳhandan
kaho kya barrar-sohbat miri us ki ho azizan
dil-e-nazuk apna shisha dil-e-sang us ka sandan
na bachega said un se koi ahu-e-haram tak
jo rahe shikar-afgan yahi ambarin-kamandan
kabhu rang se hina ke sar-e-dast-o-pa nigarin
na siva-e-ḳhun-e-ashiq karen ye nigar-bandan
na ho ghair saath har-dam mutabassim ai pari-vash
na namak-fishan ho dil ke sar-e-rish mustamindan
kiye shana riish ko yaan abas aa.e shaiḳh ji tum
ki ye jam-e-bazm-e-rindan hai fariq-e-rish-ḳhandan
nahin faal lab pe us ke ye hai mehr ḳhamushi ki
vahi samjhe hai ye nukta ki jo hai baḌa suḳhan-dan
kahin sarv se mushabah tere qad ko past-fitrat
ye hai gosh-zad hamare suḳhan-e-nazar-bulandan
sabhi mahv-e-ḳhud-numa.i ba-misal-e-a.ina hain
ye ḳhuda.i se nirala hai giroh-e-ḳhud-pasandan
tiri vasf ka kamar ke na bandha kisi se mazmun
rahe ḳhvab men adam tak jo ka.i ḳhayal bandan
‘muhib’ is ada ke sadqe ki uTha.e maar Thokar
sar-e-pa-e-naznin se vo sar-e-niyaz-mandan
Leave a Reply