honTon Pe Dil Ki Baat Wo Lae Mere Liye

Nawed Malik

honTon pe dil ki baat vo laa.e mire liye

lekin yuun na sarab bichha.e mire liye

de do ba-sad ḳhulus sitare unhen ka.i

jugnu liye jo haath men aa.e mire liye

tum ko nahin ḳhabar ki mahakne laga hai dil

kaghaz pe us ne phuul bana.e mire liye

main ne bhi zaḳhm zaḳhm pe hansne ki Thaan li

kanTe adu ne jab se bichha.e mire liye

ye hijr bhi savab se kam to nahin ‘naved’

main is ke vaste vo kama.e mire liye