Hone Se Mere Farq Hi paDta Tha Bhala Kya

hone se mire farq hī paḌtā thā bhalā kyā

maiñ aaj na jaagā to saverā na huā kyā

sab bhīgī ruteñ niiñd ke us paar haiñ shāyad

lagtī hai zarā aañkh to aatī hai havā kyā

ham khoj meñ jis kī haiñ pareshān azal se

bīmār kī āñkhoñ ne vo dar DhūñD liyā kyā

maqtūl ko bāñhoñ meñ liye baiThā rahūñ kyuuñ

is jurm se lenā hai use aur maza kiyā

dīvār qafas kī ho ki ghar kī mujhe kyā farq

tafrīh ke sāmāñ hoñ mayassar to sazā kyā

aisā to kabhī raqs meñ be-ḳhud na havā maiñ

mai-ḳhāne ke māhaul meñ hotā hai nasha kyā

ye dhuup kī tezī ye sarāboñ kī sajāvaT

sahrā ne junūñ ko mire pahchān liyā kyā

Leave a Comment