ham tira saaya the saaya ho ke
phir chale aa.e hain tujh ko kho ke
dard ki fasl hamen yaad rahi
biij ham bhuul ga.e the bo ke
aankh ne dekha magar kya dekha
aql ne aur bhi khaa.e dhoke
ek tufan ki aamad aamad
ek aansu koi roke roke
sab ki ankhon men khaTakte hain to ham
koi itna nahin us ko Toke
tera ashiq tha to le ye tabut
aḳhiri kiil bhi tu hi Thoke
dekho ‘mus.haf’ ko jagao na agar
abhi so.e hain bahut ro ro ke
Leave a Reply