hone lagi hai jism men jumbish to dekhiye
is par kaTe parinde ki koshish to dekhiye
gunge nikal paḌe hain zaban ki talash men
sarkar ke ḳhilaf ye sazish to dekhiye
barsat aa ga.i to darakne lagi zamin
sukha macha rahi hai ye barish to dekhiye
un ki appeal hai ki unhen ham madad karen
chaqu ki pasliyon se guzarish to dekhiye
jis ne nazar uTha.i vahi shaḳhs gum hua
is jism ke tilism ki bandish to dekhiye
Leave a Reply