qadam qadam pe hain bikhri haqiqaten kya kya
buzurg chhoḌ ga.e hain shahadaten kya kya
main taza-dam bhi huun bechain bhi hava ki tarah
mire qadam se hain lipTi rivayaten kya
mizaj alag sahi ham donon kyuun alag hon ki hain
sarab o aab men poshida qurbaten kya kya
karam inaad ḳhushi gham asir-e-mayusi
dilon ko deti hai duniya bhi davaten kya kya
main baaz aaya na laḌne se haar kar bhi ‘fuzail’
mire ḳhuda ki hain mujh par inayaten kya kya
Leave a Reply