Ho Ke Khush Naz Hum Aison Ke Uthane Wala

ho ke khush naaz ham aison ke uthane vaala

koi baaqi na raha agle zamane vaala

khvab tak men bhi nazar aata nahin ai chashm

mere ro dene pe ashkon ka bahane vaala

aaj kuchh shaam se chup hai dil-e-mahzun kya ilm

kyuun khafa hai mira raton ka jagane vaala

be-khudi kyuun na ho taari ki gaya siine se

ashk-e-khun ath-pahr mujh ko rulane vaala

kab samajhta hai ki jiina bhi hai akhir koi shai

apni hasti tiri ulfat men mitane vaala

mohtasib khush hai bahut tod ke khum-ha-e-sharab

gham nahin sar pe salamat hai pilane vaala

ho gae dekhne vaale bhi jahan se nayab

ab dikhae kise hairan hai dikhane vaala

tere bimar-e-mohabbat ki ye halat pahunchi

ki hataya gaya takiya bhi sirhane vaala

samna us but-e-kafir ka hai dekhen kya ho

khud hai shashdar mira iman bachane vaala

‘shad’ ik bhiid lagi rahti thi jis ghar men vahan

aane vaala hai na ab koi na jaane vaala

Leave a Comment