Main Dekh Bhi Na Saka Mere Gird Kya Gaya Tha

maiñ dekh bhī na sakā mere gird kyā gayā thā

ki jis maqām pe maiñ thā vahāñ ujālā thā

durust hai ki vo jañgal kī aag thī lekin

vahīñ qarīb hī dariyā bhī ik guzartā thā

tum aa ga.e to chamakne lagī haiñ dīvāreñ

abhī abhī to yahāñ par baḌā añdherā thā

laboñ pe ḳhair tabassum bikhar bikhar hī gayā

ye aur baat ki hañsne ko dil tarastā thā

sunā hai log bahut se mile the raste meñ

mirī nazar se to bas ek shaḳhs guzrā thā

ulajh paḌī thī muqaddar se aarzū merī

dam-e-firāq use roknā bhī chāhā thā

mahak rahā hai chaman kī tarah vo ā.īna

ki jis meñ tū ne kabhī apnā ruup dekhā thā

ghaTā uThī hai to phir yaad aa gayā ‘anvar’

ajiib shaḳhs thā akasr udaas rahtā thā

Leave a Comment