Poet
ho gaya abru ki saffaki se shohra yaar ka
kaam kar jaa.e sipahi naam ho sardar ka
kucha-e-shah-rag se kya tera mahal nazdik hai
dam gale men aa ke aTka hai tire bimar ka
misl-e-isa un ki ḳhidmat men rasa.i ho ga.i
paḌh ga.e koThe pe ham ziina laga kirdar ka
raat ko ankhon ke niche phir ga.i tasvir-e-yar
vaah kya chamka sitara dida-e-bedar ka
‘qadr’ kya islah-e-‘ghalib’ se miri shohrat hui
vo masal hai baaḌh kaaTe naam ho talvar ka
Leave a Reply