Sufi

Ho Gai Aam Mohabbat Ki Kahani Kitni

ho gai aam mohabbat ki kahani kitni

khaak logon ne tire shahr ki chhani kitni

tum nahin the to khatakte the in ankhon men charagh

tu jo aae to hui raat suhani kitni

ik mohabbat ke havale se suni hain ham ne

dastanen tiri ankhon ki zabani kitni

barha silsila-e-ahd-e-baharan ke huzur

ghuncha-o-gul pe hui fatiha-khvani kitni

aae vo aur gae dil men charaghan kar ke

ek lamhe men hui baat purani kitni

More Poems

Leave a Comment