ho agar dida-e-tar husn-e-nazar khulta hai
shauq-e-nazzara se ehsas ka dar khulta hai
puuri paḌti hi nahin un ko rida-e-ghurbat
paanv Dhak jaa.en agar un ke to sar khulta hai
ajnabiyyat ki vo divaren uTha.e jaa.en
un men dar khulta hai kab ahl-e-nazar khulta hai
dil samajhta hai ki asudgi manzil par hai
dekhna ye hai kahan bar-e-safar khulta hai
mauja-e-shauq bhi ruḳh apna badal le ai kaash
badban kashti-e-ulfat ka jidhar khulta hai
husn-e-ḳhud-bin-o-ḳhud-ara hai mizajan phir bhi
shaz-o-nadir hi vo khulta hai agar khulta hai
rahguzar fikr-o-nazar ki na ho ‘rahi’ mahdud
ḳhizr hon saath to imkan-e-safar khulta hai
Leave a Reply