hisar-e-zat men saara jahan hona tha
qarib aise tujhe meri jaan hona tha
tiri jabin pe shikan kyuun visal-lamhe men
mohabbaton ka yahan to nishan hona tha
tumhare chhune se kuchh raushni badan ko mili
vagarna us ko faqat rakh-dan hona tha
tumhari nafraton ne mitti men mila daala
jo khvab taara sa palkon ki shaan hona tha
bahut hi thodi thi dil men tumhare umr miri
thi khvab-zad mujhe dastan hona tha
bichhad gaya to ‘shabana’ malal kya karna
use bichhadna tha vahm o guman hona tha
Leave a Reply