hisar-e-shahr mila dasht ka maza na mila
junun ke daur men bhi koi mashghala na mila
ab us gulab ne kanTe ki ik chubhan bhi na di
mila zarur vo mujh se magar ḳhafa na mila
na tere qad ki koi bahr-e-ḳhush-ḳhiram mili
ghazal ka zikr hi kya koi qafiya na mila
jo bas chale to vo simTa le har numu-e-badan
haya se apni koi yuun thaka hua na mila
bhanvar ki chiḳh bulati rahi magar ai ‘shaz’
andheri raat thi maujon ka naqsh-e-pa na mila
Leave a Reply